დაჯარიმება ხეების ჭრისთვის

მუშტაიდის პარკში, რესტორან „გვირილას“ გვერდით, რამდენიმე თვეა მიმდინარეობს სამუშაოები, რის დროსაც განადგურდა მწვანე ნარგავები. ყოველივე დააფიქსირა შემთხვევის ადგილზე გასულმა „ეკოლოგიური სამართლის ცენტრმა“, რის შესახებაც ეცნობა თბილისის მერიის ზედამხედველობის სამსახურის დაქვემდებარებაში არსებულ სარეკრეაციო განყოფილებას.
7 თებერვალს მივიღეთ წერილი ზედამხედველობის სამსახურიდან, სადაც აღნიშნულია, რომ მათ, ამ ფაქტთან დაკავშირებით, შეადგინეს ადმინისტრაციული სამართალდარღვევის ოქმი, ადმინისტრაციულ სამართალდარღვევათა კოდექსის 1511-ე მუხლის 1-ლი ნაწილის შესაბამისად, რაც ითვალისწინებს ჯარიმას 500 ლარის ოდენობით სამართალდარღვევის საგნისა და იარაღის კონფისკაციას.